Search

Gamot Sa Pantal: Eksema, Diaper Rash at Dengue

Gamot Sa Pantal: Eksema, Diaper Rash at Dengue

Naghahanap ka ba ng gamot sa pantal? Basahin moa ng artikulong ito.

Ang mga pantal o rashes ay hindi masabing isang uri ng sakit. Ito ay isang uri ng sintomas ng sakit sa balat na parating kasama ng pamamaga at pagiba ng kulay ng balat.

Pangkaraniwan ang pamamantal sa mga taong may eksema o alipunga. Ang pamamantal ay dulot ng mga impeksyin tulad ng fungi, bakteriya o virus.

May mga gamot sa pamamantal na nabibili sa botika na hindi na nangangailangan ng riseta ng doktor. Subalit tandaan na ang pamamntal na hindi umaalis sa loob ng ilang araw at hindi mo maipaliwanag kung ano talaga ang sanhi, kailangan mo nang magbisita sa doktor.

Dahilan ng pamamantal: eksema

Ang isa sa pinakadahilan ng pagkakaroon ng pantal ay ang eksema. Ang eksema ay isang uri ng pamamantal na kung saan ito ay mapula at tuyo. Ang mga pantal ng eksema ay nawawala at bumabalik dipende sa ilang mga salik may kaugnayan sa kalusugan ng pasyente. Ang eksema ay hindi nakakahawa subalit ito ay pangkaraniwan sa mga taong may hika, sinusitis, allergic rhinitis o sensitibong balat. Maaaring palalain ng sobrang init ng panahon at malabis na pagpapawis ang pamamantal. Dahil sa pagkairita ng balat, ang mga pantal ng eksema ay maaaring kumalat sa balat.

Lumamala ang pamamantal dahil sa:

  • Sedang damit
  • Grasa
  • Langis
  • Ilang partikular na gamot
  • Matatapang na sabon
  • Sobrang pagkamot
  • Stress o kaigtingan

Ang paggamot sa eksema ay naka sentro sa pag-alis ng mga sintomas tulad ng pamamaga, pangangati at pamamantal.

Eksema: pangangalaga sa bahay

Panatilihing malinis ang katawan sa pammagitan ng regular na pagpaligo. Makakapagpapaalis ng pamamaga at pangangati ang pagpaligo ng maligamgam na tubig.

Huwag gumamit ng sabon na may detergent. Gumamit ng banayad na sabon na may moisturizer. Makabibili ng mga sabon na ginagawa para sa may maselang balat.

Maglagay ng moisturizer pagkatapos maligo upang maibalik ang nawalang moisture sa balat.

Iwasan ang pagsusuot ng masisikip at nakakagasgas na mga damit. Piliing suutin ang maluluwang at komportableng damit.

Kapag maglalaba ng damit, gumamit ng sabong banayad, na walang halong pabango. Siguraduhing nabanlawan ng maayos ang damit bago patuyuin.

Kung nakapagkunsulta ka na sa doktor at nakitang may impeksyon ka sa balat, gamutin ang impeksyon ayon sa tagubilin ng doktor.

Kung nakararamdam ka ng matinding pangangati sa malaking bahagi ng iyong katawan. Maaari kang uminom ng antihistamine tulad ng Benadryl upang mabawasan ang pangangati. Subalit tandaan, ang paginom ng Benadryl ay nakasasama kung ikaw ay may glaucoma o may problema sa prostate.

Kumunsulta ulit sa doktor kung hindi maalis-alis ang mga sintomas ng eksema sa loob ng isang linggo.

Magbisita agad sa iyong doktor kung makita ang alin man sa mga sumusunod na kalagayan:

  • Di pagbuti o paglala ng pamumula at pamamantal sa balat
  • Pagtutubig ng mga pantal
  • Pagkakaroon ng lagnat kung may pamamantal sa balat

Dahilan ng pamamantal: Diaper rash

Ang diaper rash ay isang sakit sa balat na tumutubo sa may diaper area. Ang pamamantal na dulot nang pagsusuot ng diaper ay madalas na nangyayari sa mga batang di pa dalawang taon ang edad. Nangyayari din ito sa mg taong paralisado na gumagamit ng adult diaper.
Halos lahat ng mga sanggol na gumagamit ng diaper ay magkakaroon ng diaper rash sa unang tatlong taon ng kanilang buhay. Ito ang panahon kung saan ginugugol ng bata ang kanyang panahon sa pag-upo. Ang pagtatae ng bata ay nagpapalala ng diaper rash.

Mga sintomas ng pantal dahil sa diaper

Madaling malaman kung ang iyong sanggol ay may diaper rash. Ang mga pantal ay makikita sa may diper area.

Ang balat ay mapula at namamaga. Ang mga pantal ay maaaring kumalat sa puwet at sa ari ni baby. Ito ay maaaring umabot hanggang sa mga singit ng bata.

Pangalaga sa mga pantal na dala ng pagsusuot ng diaper

Ang tamang pangangalaga sa balat na may diaper ay ang pikaepektibong solusyon para sa diaper rash. Ang mga sumusunod na mga gawain ay makakatulong upang mabawasan o mapabilis ang paggaling ng diaper rash.

  • Palitan ang diaper ng mas madalas sa normal
  • Ang balat na may pamamantal ay dapat hugasan ng banayad na sabon at patuyuin sa hangin
  • Huwag munang isuot ang diaper matapos hugasan ang mga pantal. Patuyuin ang balat sa hangin sa loob ng isang oras o higit pa.
  • Iwasan ang paggamit ng mga baby wipes dahil ito ay naglalaman ng alcohol na maaaring makapagpalala ng pantal. Hugasan si baby gamit ang tubig.
  • May mga pagkain na maaaring makapagpalala ng pantal. Iwasan ang ganitong mga pagkain hanggang sa mawala ang pamamaga
  • Kung ang pantal ay dahil sa allergy, itigil ang paggamit ng bagong sabon
  • Kung ang pamamantal ay dahil sa impeksyon, ito ay maaaring gamutin ng over the counter na mga ointment.

Dahilan ng pamamantal: Dengue

Ang dengue ay isang sakit na dala ng lamok. Kung ito ay hindi maaagapan maari itong ikamatay ng pasyente.

Ang mataas na lagnat at pamamantal o rashes sa buong katawan ang siyang pangunahing sintomas ng sakit na ito.

Kaya kung ang iyong anak o mga kasama sa bahay ay may lagnat at namamantal, pumunta na agad sa pinakamalapit na hospital o emergency room.

Kung ikaw ay nagdududa nab aka biktima ka ng dengue, suriin moa ng mga pantal na lumalabas sayo. Ang mga pantal na dala ng dengue ay lumalabas tatlo hanggang apat na araw pagkatapos na ikaw ay unang makadama ng lagnat: lagnat na nawawala sa loob ng isa o dalawang araw ngunit bumabalik lamang.

Ang pamamantal ay unang lilitaw sa mukha, na maaaring mapula-pula at patse patse ngunit hindi kumikirot o kumakati.

Ang ikalawang yugto ng pamamantal ay lilitaw sa may likod, kakalat sa mukha at sa mga paa. Ito ay maaaring magtagal ng dalawa hanggang tatlong araw.

Ang pagkakaroon ng mga pantal ay isang pangkaraniwang sakit. Tandaan, kung hindi mo maipaliwanang ang dahilan ng pamamantal, magtanong agad sa doktor para sa maaasahang payo at gamot.

Please share this page with your friends!

KATULAD NA MGA ARTIKULO